اعطينا رأيك بالمستوى الثقافي

مشرف عام

مرحبا جميعاً ... كيف حالكم

طبعاً جميعنا طلاب في كلية الزراعة جامعة بابل و ان لم نكن جميعنا طلاباً لان هناك اساتذة و طلاب في غير كليات بيننا .... لهذا انا ارجو من طلاب الكلية ان يتحدثوا قليلاً على المستوى الثقافي الموجود لدى الطلاب و الاساتذة ايضاً لتقييم المستوى الموجود في كليتنا... و يا حبذا لو تكلم طلابنا عن بعض المواقف او الامور التي حصلت امام اعينهم لكي نصل الى نتيجة مقاربة للحقيقة ... و شكراً

عضو محترف الاوسمة :

متابع بصمت

مشرف عام

صمت معناه هروب من المواجهة

مدير الاوسمة :

والله اني بالنسبة الية رح اكون جاد بنقاشي ورح اكون صادق بنفس الوقت ....بالنسبة للطلبة فالمستوى الثقافي بالنسبة للطلبة وخاصة الذكور فهوة ضعيف نسبة ما اما بالنسبة للاناث فأني اشوفة احسن من الذكور
اما بانسبة للاساتذة فاكو تخلف ثقافي عند البعض منهم وحتى على درجة دكتور يعني اول شيء يتعامل وية الطالب على انه سجان والطالب سجين عندة وهذة اني اعتقدة تخلف ثقافي كلش عالي ....واني مااريد ان اذكر اسماء .....اما بالنسبة لدرجة ماجستير ودرجة وضيفية وادارية ايضا مهمة فتلكة عندة اسلوب غير حضاري الى درجة متتوقعوهة...يعني مثلا يكول لطالب رح اشكك ورقتك بس بمجرد ان هو تحرك اثناء الامتحان...وكذالك تصرفات تحس بيهة مال واحد مطيرجي مو استاذ علة مستوة تعليم عالي لو استاذ يكول لطالب انتة مو مال كلية انتة مال حرس صخام حرس وطني يعني شغلات متتوقعوهة يعني مو أستاذ يريد يفيد طالب تحت مبادئ تحكمة بي انسانيتة ودينة والمنصب الي هوة بي لا وانما يستخدم اي شيء ضد الطالب حتة يأذي ..........عذرا اذا اطلت عليكم ....بس لوووووووو احجي من الصبح لليل مااعتقد رح يكفي والله......

عضو ذهبي

طبعا اولا احب اشكر صاحب الموضوع لان الصراحة احنة بحاجة لمثل هذا الموضوع.....بالنسبه للمستوى الثقافي والعلمي للطلاب الصراحة هو متفاوت يعني ممكن تلكه طلاب على مستوى عالي وممكن تلكه طلاب على مستوى متدني وهذا طبعا يرجع لكثير الاسباب ومعظمها اسباب اجتماعيه اما بالنسبه للاساتذة فايضا المستوى متفاوت يعني مرات تلكه معيد شايل اسلوب وطريقة تدريس يعادل بيه الدكتورا ومرات تلكه دكتور ميمتلك لاعلميه ولا حتى اسلوب ويه الطالب وبنفس الوقت عدنة دكاترة واساتذة ماجستير تحطهم على الجرح يطيب ...واني طبعا اوافق الجوكر انو اكو هيج نوع من الاساتذة والدكاترة ابدا ميعرفون تعاملون ويه الطالب ولايقدرون انو هذا طالب جامعي يعني طريقة التعامل تكون خاصه. وللاسف هذا ديولد نتائج سلبيه تؤثر على الكليه .واحب اضيف شي المفروض اللي يقدم على تعين بالكليه يخضع لاختبار علمي واجتماعي وثقافي يعني مااركز بس على الشهادة حتى ينعرف اذا كان عدة اسلوب جامعي يكدر يخرج جيل كامل بدون مشاكل لان الاسلوب بالتدريس عامل جدا مهم ورئيسي في نفسيه الطالب ....واسفة اذا طولت بس هذا راي مبسط للموضوع

مشرف عام

joker كتب:: والله اني بالنسبة الية رح اكون جاد بنقاشي ورح اكون صادق بنفس الوقت ....بالنسبة للطلبة فالمستوى الثقافي بالنسبة للطلبة وخاصة الذكور فهوة ضعيف نسبة ما اما بالنسبة للاناث فأني اشوفة احسن من الذكور
اما بانسبة للاساتذة فاكو تخلف ثقافي عند البعض منهم وحتى على درجة دكتور يعني اول شيء يتعامل وية الطالب على انه سجان والطالب سجين عندة وهذة اني اعتقدة تخلف ثقافي كلش عالي ....واني مااريد ان اذكر اسماء .....اما بالنسبة لدرجة ماجستير ودرجة وضيفية وادارية ايضا مهمة فتلكة عندة اسلوب غير حضاري الى درجة متتوقعوهة...يعني مثلا يكول لطالب رح اشكك ورقتك بس بمجرد ان هو تحرك اثناء الامتحان...وكذالك تصرفات تحس بيهة مال واحد مطيرجي مو استاذ علة مستوة تعليم عالي لو استاذ يكول لطالب انتة مو مال كلية انتة مال حرس صخام حرس وطني يعني شغلات متتوقعوهة يعني مو أستاذ يريد يفيد طالب تحت مبادئ تحكمة بي انسانيتة ودينة والمنصب الي هوة بي لا وانما يستخدم اي شيء ضد الطالب حتة يأذي ..........عذرا اذا اطلت عليكم ....بس لوووووووو احجي من الصبح لليل مااعتقد رح يكفي والله......

اخي العزيز يؤسفني ان اكول الك انتة غلطان لان قياسك مو صحيح شنو ولد شنو بنات بالعكس احتمال اكو ولد مستواهم الثقافي اكثر من البنات و اكو بالعكس ... لهذا ارجو منك ان تعيد النظر بتقييمك

عضو محترف الاوسمة :

جبس اني كتبت اتابع بصمت لان اني استاذ وحاصل على شهادة الماجستير .... بالنسبة للتقييم كل واحد وراية يعني كل انسان ينظر للاخرين بالمنظور الي يخدمة .......ز اكو فد نقطة انبهكم الها.....ز الاساتذة في كلية الزراعة ميطالبون الطالب كل اسبوع تقرير عن المحاضرة ثاني شي الاساتذة مديستعملون الجانب العملي الفعال لان اني سنتين درست ببكلية الزراعة جامعة بغداد وكنت اطلع الطلاب للحقل الساعة 12 الظهر والعملي 3 ساعات ومرات ينتهي الدوام بالاربعة بينما اهنا بس الساعة اصير بالوحدة الطالب يبدي يحجي بموضوع الخطوط والمحاضرة موعدها ينتهي بـ 3 واسالوا هالة عن استاذ منذر اشكد اتحمل من الطلاب عاملتهم مثل اخوتي الصغار اتمردوا عليه عاملتهم بشده كامو يتوسلون وصاروا يمشون عدل ترى سبب شدة الاساتذة اكو بعض الطلاب مينطون وجه ومع الاسف اكول عليهم طلاب كليات ...... تقبلوا مروري

عضو ذهبي

اي صحيح كلام استاذ منذر صحيح انو اكو طلاب للاسف ميقدرون انو الاستاذ ديتعامل وياهم مثل اخوهم ومراعيهم الى ابعد الحدود واني ذكرت هذا الشي انو اكو طلاب مستواهم متدني الى درجه والاستاذ اللي يتعامل وياهم بخشونة يمشون وياة عدل واللي مراعيهم يتنمردون عليه وبالنسبه لستاذ منذر فابد مقصر ويه طالب بالعكس اني احجي عن قسمي جان كلش مساهل وياهم رغم اللي همة يسووا بالمحاضرة بس بنفس الوقت احنة ننتقد اساتذة من ناحيه الاسلوب والمستوى العلمي والمفروض من الطلاب انو ايتشطرون على الاساتذة اللي ماذيهم مو الاساتذة اللي مساهلين وياهم ويساعدوهم لان هذا ديعكس انو اللي يمشينة بالقوة والاسلوب التعبان نخاف منه ونمشي وياة عدل واللي مساعدنة ومشينة باسلوب يحسسنة انو احنة صدك طلاب نتمرد عليه ومنحطله اعتبار....وبالنسبه الك يااستاذ منذر فانت الك منه كل التقدير ولاحترام لان انت ابد مقصرت ويانة بكلشي وهايه مو بس شهادتي بشهادة كل الطلاب ......تحياتي للجميع

مشرف عام

منذر العبادي كتب:: جبس اني كتبت اتابع بصمت لان اني استاذ وحاصل على شهادة الماجستير .... بالنسبة للتقييم كل واحد وراية يعني كل انسان ينظر للاخرين بالمنظور الي يخدمة .......ز اكو فد نقطة انبهكم الها.....ز الاساتذة في كلية الزراعة ميطالبون الطالب كل اسبوع تقرير عن المحاضرة ثاني شي الاساتذة مديستعملون الجانب العملي الفعال لان اني سنتين درست ببكلية الزراعة جامعة بغداد وكنت اطلع الطلاب للحقل الساعة 12 الظهر والعملي 3 ساعات ومرات ينتهي الدوام بالاربعة بينما اهنا بس الساعة اصير بالوحدة الطالب يبدي يحجي بموضوع الخطوط والمحاضرة موعدها ينتهي بـ 3 واسالوا هالة عن استاذ منذر اشكد اتحمل من الطلاب عاملتهم مثل اخوتي الصغار اتمردوا عليه عاملتهم بشده كامو يتوسلون وصاروا يمشون عدل ترى سبب شدة الاساتذة اكو بعض الطلاب مينطون وجه ومع الاسف اكول عليهم طلاب كليات ...... تقبلوا مروري

استاذي العزيز اني اعتز بيك و بشهادتك ... النقطة اللي حضرتك نبهتنا الها اني هم احب اعقب عنها ... انتة لو شوية تقارن بين جامعة بغداد و جامعة بابل راح تعرف ليش الطلاب عدنا ديذمرون و ديحجون و ميرضون بشي ... طبعاً لان لا عدنا مختبرات لا قاعات لا نادي لا حقول لا مكان هاديء لا حمامات يعني بين قوسين اصلاً ما عدنا كلية بيها خير اضافة الى الاختلاف بين الطلاب اللي بجامعة بغداد و بجامعة بابل و هذا شي منكدر نخفي هذا شي واضح ... و هماتين اسلوب الاساتذة وية الطلاب و بالعكس هم هاي عوامل .. اني على علم بعلاقتك بطلابك قسم المحاصيل و اعرف اللي يصير و اللي صار .... و اذب اللوم على الطلاب بس ما ابرئك ... بصراحة انتة هم سبب باللي صار و المرحلة اللي وصلت بيها علاقتك بالشباب ... اكو حزازيات و اكو انتقادات كثيرة بهالموضوع انشالله نتناقش بي بغير وقت ... و نتمنى ان علاقتك بالطلاب تتحسن بالسنة الجاية

مشرف عام

hala كتب:: اي صحيح كلام استاذ منذر صحيح انو اكو طلاب للاسف ميقدرون انو الاستاذ ديتعامل وياهم مثل اخوهم ومراعيهم الى ابعد الحدود واني ذكرت هذا الشي انو اكو طلاب مستواهم متدني الى درجه والاستاذ اللي يتعامل وياهم بخشونة يمشون وياة عدل واللي مراعيهم يتنمردون عليه وبالنسبه لستاذ منذر فابد مقصر ويه طالب بالعكس اني احجي عن قسمي جان كلش مساهل وياهم رغم اللي همة يسووا بالمحاضرة بس بنفس الوقت احنة ننتقد اساتذة من ناحيه الاسلوب والمستوى العلمي والمفروض من الطلاب انو ايتشطرون على الاساتذة اللي ماذيهم مو الاساتذة اللي مساهلين وياهم ويساعدوهم لان هذا ديعكس انو اللي يمشينة بالقوة والاسلوب التعبان نخاف منه ونمشي وياة عدل واللي مساعدنة ومشينة باسلوب يحسسنة انو احنة صدك طلاب نتمرد عليه ومنحطله اعتبار....وبالنسبه الك يااستاذ منذر فانت الك منه كل التقدير ولاحترام لان انت ابد مقصرت ويانة بكلشي وهايه مو بس شهادتي بشهادة كل الطلاب ......تحياتي للجميع

شوفي هالة ... صحيح اكو طلاب متراعي هذا الشي ,,, بس بالمقابل اكو طلاب تراعي هذا الشي و تقدر .. شوفي الانسان اللي متحكمة اخلاقة ترة محد يحكمة لا خوف ولا قوة ... المثل يكول ان لم تستحي فأصنع ما شئت ... بس اكو فد فجوة او ثغرة كلش جبيرة بين الطلاب و التدريسي طبعاً هاي الفجوة كاعد تكبر و تتوسع يوم بعد يوم و المجاملة اللي دتصير بين الطالب و الاستاذ لمجرد شغلة معينة هي احد الاسباب لان الطالب يجوز شايل حقد عالاستاذ بس مضطر يجاملة و الاستاذ هماتين شايل حقد و كره على الطالب بس مضطر يحجي ويا ... احنا هذا الشي مدنلكالة حل ., ترة اكو هواية عامل دتصير بين الطالب الشاب و الاستاذ اللي عمرة متوسط يعني مو جبير بالعمر ... و السبب الرئيسي معروف ... احنا مراح نحجي هسة بالقلم العريض بس الايام الجاية راح نتناقش و نوسع الحديث و نحجي انشالله

عضو ذهبي

جبس اني وياك واني هم ذكرت كلت اكو طلاب على مستوى عالي يعني منطيت بس المستوى الادنى اني كلت المستوى متفاوت بالنسبه للطلاب والاساتذة وطبعا كل طالب واستاذ تحكمة اخلاقه لذلك المستوى متفاوت بس احنة مشكلتنه انو منعترض على الاستاذ اللي ماذينة واللي يتعامل ويانة باسلوب خشن وحتى منتجرأ نحجي كدامة بس تشوف الاستاذ اللي علاقته طيبه بينة مرات حتى يستهزئون بمحاضرته وهذا الشي اني دااحجي بالنسبه لقسمي واللي دااشوفه ومالي علاقه باقي الاقسام والفجوة اللي تحجي عنها فهايه اكيد موجودة لهوايه اسباب ترجع حتى لاسباب اجتماعيه ومشاكل تتعلق بالشخص نفسه سواء كان استاذ او طالب وياريت ياجبس تنطرح هيج مواضيع بالكليه ويصير نقاش وينسمع بي صوت الطالب

مشرف عام

hala كتب:: جبس اني وياك واني هم ذكرت كلت اكو طلاب على مستوى عالي يعني منطيت بس المستوى الادنى اني كلت المستوى متفاوت بالنسبه للطلاب والاساتذة وطبعا كل طالب واستاذ تحكمة اخلاقه لذلك المستوى متفاوت بس احنة مشكلتنه انو منعترض على الاستاذ اللي ماذينة واللي يتعامل ويانة باسلوب خشن وحتى منتجرأ نحجي كدامة بس تشوف الاستاذ اللي علاقته طيبه بينة مرات حتى يستهزئون بمحاضرته وهذا الشي اني دااحجي بالنسبه لقسمي واللي دااشوفه ومالي علاقه باقي الاقسام والفجوة اللي تحجي عنها فهايه اكيد موجودة لهوايه اسباب ترجع حتى لاسباب اجتماعيه ومشاكل تتعلق بالشخص نفسه سواء كان استاذ او طالب وياريت ياجبس تنطرح هيج مواضيع بالكليه ويصير نقاش وينسمع بي صوت الطالب

هالة يؤسفني اكلج انو اني متأكد انو صوت الطلاب محد راح يسمعة بجامعة بابل او ينسمع بس محد يعبرة لهذا احنا نكول الله كريم

مدير الاوسمة :

والله يا جبس اني ماجان قصدي علة الولد كلهم ولا علة البنات كلهم ....وانتة ليش ضجت يعني اني الة اصير عنصري يالة ترتاح ترة اني هم من جنسكم ...بس اني دااكولك بصورة عامة يعني كنسبة مو بالتحديد...يعني اني ماكلتلك البنية احسن من الولد لالالا قصدي النسبة واني هذة الشي ملاحظة بالكلية بس بنفس الوقت اكو بنات متعرف تحجي ...واكو ولد قمة من الثقافة....والعكس صحيح....

عضو محترف الاوسمة :

طبعا اشكرج هالة على الثناء ........ بس ردت ابينلكم شيء ترى لازم اكو حدود بين الطالب والاستاذ واذا ازيلت هذه الحدود ترى يخرب التعليم...... راح اكللكم شي في بغداد اغلب الدكاترة هم واصلين مرحلة بروف وثقي الاستاذ الماجستير ميرحموه مو الطالب وحتى تتاكدون سالوا هالة على الدكتور الي اجاهم بمادة التكنلوجيا يشرح المحاضرة ويكلهم اكو مصادر انتو دورو على المحاضرة لان هذا الاسلوب المتبع بجامعة بغداد عدا التقارير الاسبوعية والكوزات الشفوية والشهرية والفصل بالغياب ......... ثقوا كلية الزراعة جامعة بابل ارحم بهواي من بغداد لان اهنا على الاقل الطالب يكدر يقابل العميد اي وقت في حين في بغداد الاساتذة والطلاب يحددولهم موعد حتى يقلبلون العميد وهواي امور ما احب اطرقلها.......... اما بالنسبة للمشكلة ويه الطلاب الثالث محاصيل ومثل متعرفني هالة نفسهم كالوا الطلاب نفس كلامكم ان الاساتذة ميتحاجون ميحاولون ان يصادقون الطلاب ويشوفون مشاكلهم ويساعدوهم .... بس اني سويت هذا الشي بس طلعت الموخوش ...... على كلن نصيحتي للجميع اقرة وطلع درجات محد يحجي وياك ...... اني من كنت طالب بالرابع طلعت سعيات كولها فوك 40 بالكورس الاول عدا مادة الحشرات الدكتور شد وياي خلالي 28 اشتكيت للعميد ورئيس القسم على الرغم المفروض يطلعلي سعي 35 نقصني بالغياب وضليت اكافح وحصلت على سعي 35 لان هذا حقي واكو اوراق تشهد فالناجح بالامتحان وامجاوب يوكف بوجه الكل

مدير الاوسمة :

انتووووووو شو خرجتوا عن الموضوع الاصلي يابة ترة احنة موضوعنة علة ثقافة التدريسي وتاثيرهة علة الطالب يعني طريقة واسلوب التعامل بين الاستاذ والطالب ....احنة ماعلينة بغداد ولة اربيل احتة ندور علة اسلوب متحضر من الاستاذ وهذة الشي احنة نفتقدة بنسبة عالية كلش بس النسبة مو 100% علمود ينتبه اخ جبس يعني عدنة دكاترة واساتذة نهائيا ميعرفون يتعاملون وية طالب واني لو الي سلطة بالوزارة مثلا تدرون شاسوي الزمهم بسطيات بشارع المكتبات حتة يكدرون يتعاملون وية امثالهم اني ماطول طالب كلية الي حق اقابل العميد باي وقت اريدة لان هوة اصلا وجد لخدمة العلم والمتعلمين من الطلبة هاي انتهين منهة...احنة بالنسبة للعميد فخلي اوضحلكم فد شي اني ابن الحلة واعرف عوائل الحلة المعرروفة بشكل جيد واني اعرف بيت عجام منو همة وشنو اصلهم وشنو سمعتهم وشوفوا العميد د.اسماعيل عجام شنو من اخلاق وشنو من اسلوب وشنو من طريقة تعامل ترة الاسلوب وطريقة التعامل ميرادلهة شهادة لالالالا يرادلهة تربية واصول زينة وللاسف هذة الشي ممتوفر عند كل الاساتذة للاسف الشديدوالشغل الثانية مو عدنة دكتور كريم الله يحفظة ويرعا ويخلينيا يارب مو هم درسنة اكثر من كورس شو مافد يوم استهزءنة بدرسة لو دكتور هادي ابو نوار هم الله يخلينيا انشاء الله لو دكتور محمد الله يحفظة اشو مافد يوم استهزئنة بيهم مع العلم همة مقدمينة كل الاحترام والاسلوب الراقي والكثير الكثير بس هاي تبقة علة شخصية التدريسي هوة اذا مضحكة يستهزئون بي الطلبة حتلوو مو يصيح ويكسر بالدرجات لا والله حتلو صدك يكمشلهم العودة واني مجربهة احنة نزيد من قل اذا لكينة معاملة تعبانة من استاذ ويابة مو الة الطالب شاطر لو كسولي يالة احترمة واقدرة الطالب يبقة طالب ماطول هوة كاعد علة استيج بالمحاضرة ويبقة الة مكانة الاجتماعية الخاصة وغصبن علة الكل الجبير والصغير يحترمة ويعامل باسلوب يليق بمستوى وشكرا الك يا جبس لان فسحتلي المجال اطلع الي بداخلي وانشاء الله تتوفر عدنة حكومة عادلة تستاصل هل النماذج الي تحمل اصول سيئة وغير مؤهلة لان تصبح تدريسية في مدرسة التعليم العالي والبحث العلمي....ادعوا ياطلابنة وحاولو توصلون صوتكم لجميع الاتجاهات عسى ولعله...(حجارة بظلمة علة كولت ابو المثل) ....ومااعتقد احنة رح الحك الة بيئة تدريسية خالية من الشوائب بس عسى ولعله الاجيال القادمة هية الي تستفاد وشكرا جزيلا ياجبس

عضو محترف

شكرا على الموضوع

عضو محترف الاوسمة :

علاوي اني كلامك يزعلني ترى الي يدرس بالجامعة مجايب شهادته بسهولة اما مسالة قدرته او امكانيته على التدريس فهاي تعتمد على الخبرة والممارسة وقدرة على التدريس........ عدنا هواي دكاترة بغداد عدهم علم كبير بس ميعرفون شلون يوصلوه للاخرين ....... لا انت ولا غيرك يكدر ينكر التعب الي يتعبه كل شخص يدرس 4 سنوات بالكلية بتعب حتى يطلع من الاوائل ومن مجموع اكثر من 100 طالب لمرحلته و2-3 سنوات دراسة ماجستير بين الكورسات والرسالة ..... بالاضافة الى الدكتوراه الي دراستها 3-4 سنوات ........ يعني ما يجي هذا الشي بسهولة ..... من تروح اتقدم للماجستير او الدكتوراه اشوف العدد الي طالبيه 2 والي يقدمون على المنافسة اكثر من 20 يعني مو من سهولة اتكون انت واحد من المقعدين ........ احنة يجوز ننتقد اسلوب اساتذة ويجوز البعض البيئة العايش بيها اماثرة عليه بس مو معناه نستهين بيهم او نقلل منهم ........ واذا عندك خلاف مع استاذ فمن ينتهي الكورس واجهه وطلع الي بكلبك....... قسم المحاصيل اجرى ندوه بين الاساتذة والطلبة واراد رئيس القسم يعرف المشاكل الي يواجها الطلبة مع الاساتذة فطلب الطلاب ان يبقون وحدهم مع رئيس القسم وتنفذ طلبهم وصار حوار صريح بين رئيس القسم والطلبة حول التدريسين ( على الرغم ليس من حق الطالب تقييم التدريسيين نهائيا) وباجتماع القسم اتوجهت انتقادات حول طريقة ايصال المادة للطالب وطريقة عرض المادة والحمد لله ليس مدحا بنفسي حتى لاب توب الشخصي اجيبه يوميا وعلى الداتا شو اعرض للطلبة صور حول المادة عدا التجارب الي انطيها للطالب يجريها بالبيت وهذا اسلوب الدراسة الحديث على الرغم من ضعف الامكانيات

مشرف عام

منذر العبادي كتب:: علاوي اني كلامك يزعلني ترى الي يدرس بالجامعة مجايب شهادته بسهولة اما مسالة قدرته او امكانيته على التدريس فهاي تعتمد على الخبرة والممارسة وقدرة على التدريس........ عدنا هواي دكاترة بغداد عدهم علم كبير بس ميعرفون شلون يوصلوه للاخرين ....... لا انت ولا غيرك يكدر ينكر التعب الي يتعبه كل شخص يدرس 4 سنوات بالكلية بتعب حتى يطلع من الاوائل ومن مجموع اكثر من 100 طالب لمرحلته و2-3 سنوات دراسة ماجستير بين الكورسات والرسالة ..... بالاضافة الى الدكتوراه الي دراستها 3-4 سنوات ........ يعني ما يجي هذا الشي بسهولة ..... من تروح اتقدم للماجستير او الدكتوراه اشوف العدد الي طالبيه 2 والي يقدمون على المنافسة اكثر من 20 يعني مو من سهولة اتكون انت واحد من المقعدين ........ احنة يجوز ننتقد اسلوب اساتذة ويجوز البعض البيئة العايش بيها اماثرة عليه بس مو معناه نستهين بيهم او نقلل منهم ........ واذا عندك خلاف مع استاذ فمن ينتهي الكورس واجهه وطلع الي بكلبك....... قسم المحاصيل اجرى ندوه بين الاساتذة والطلبة واراد رئيس القسم يعرف المشاكل الي يواجها الطلبة مع الاساتذة فطلب الطلاب ان يبقون وحدهم مع رئيس القسم وتنفذ طلبهم وصار حوار صريح بين رئيس القسم والطلبة حول التدريسين ( على الرغم ليس من حق الطالب تقييم التدريسيين نهائيا) وباجتماع القسم اتوجهت انتقادات حول طريقة ايصال المادة للطالب وطريقة عرض المادة والحمد لله ليس مدحا بنفسي حتى لاب توب الشخصي اجيبه يوميا وعلى الداتا شو اعرض للطلبة صور حول المادة عدا التجارب الي انطيها للطالب يجريها بالبيت وهذا اسلوب الدراسة الحديث على الرغم من ضعف الامكانيات

استاذي العزيز ما اتوقع اكو داعي لان تزعل من كلام علي لان الموضوع دنتناقش بي مو لاجل ان نزعل او لاجل ان نصير احزاب و فرق لكن احنا نريد نعالج و نطرح فد مشكلة على مجموعة من الطلاب او المنتسبين للكلية ... و اني اشوف كلام علي هو انتقاد بس احنا العراقيين ما نحب الانتقاد و اني بأعتقادي ماكو شي يحل مشكلتنا غير النقد البناء لان ملينا من المجاملات اللي بلا ملح و الي تخرج عن نطاق الرسمية يعني بالعامية تصير لواكة او تملق . مع احترامي لشهادتك ترة الشهادة مو كلشي و الانسان من يدرس حتى يحصل شهادة خصوصاً عدنا بالعراق من يتخرج راح يحصل شهادة بالاختصاص اللي درس بي مو بالثقافة العامة و الاسلوب الجيد .. يعني تحفظ المنهج المقرر و تروح تمتحن تحصل درجة عالية و تدخل للدراسات العليا سواء بالواسطة او بالحظ الجيد و قلما بالمجهود الشخصي لان صارت كلها محسوبية .. يعني مو شرط حامل الشهادة يتمتع باسلوب و ثقافة جيدة و ما اتوقع تكدر تنكر انو اكو نسبة كبيرة من الاساتذة عدنا بالكلية ما عدهم اي اسلوب و لا تشوف عدهم ثقافة لا و اكو بعذ الاساتذة للاسف يتصرفون تصرفات تدل على عدم امتلاك صاحبها للاخلاق الحميدة ... اضافاً الى الواسطات و فلان ابن عم صديقي انطي سعي 40 و فلانة خوش بنية و سعي 37 و فلان جيراننا هم سعي 42 لا و فوكاها الرشاوي الموجودة عدنا و اتحدى اكبر واحد ينكر اني على علم بقضية رشوة صارت و بالفعل نجح الطالب بس الطالب طلع اذكى من الاستاذ لان ودة هدية لبيت الاستاذ المعني و حط اصدقائه براس الشارع و صوروا الاستاذ و الطالب واقفين بالباب مال البيت .. شتكول استاذ منذر اكو هيج شغلات لو ماكو بكلية الزراعة ؟؟
ترة الفساد الاداري و المالي و الاخلاقي نايم و معشعش مثل ميكولون عدنا بجامعة بابل خصوصاً بكلية الزراعة ... بس جامعة بابل الموقرة و رئيسها المحترم متجهين اتجاه اعلامي و اهتمامهم بالاعلام و هالشغلات اللي يحاولون يبرزون بيها كدام الوزارة و عايفين الطلاب بشمس الصيف و بالمطر و الطين بفصل الشتاء محد بحالنا ماكو مكان نكعد و نرتاح بي ... مركز انترنيت بكلية تحتوي عدد كبير من الطلاب بي 4 اجهزة كومبيوتر فقط ... الوضع متأزم و تعبان لازم نشوف حل مو نكعد نزعل من بعض و نعاتب بعض لان اتوقع ما عدنا وقت كافي لهالكلام ,,,, الوقت ديمر و احنا نايمين

مساء الخير شكرا جبس الموضوع فعلا مفيد وكان من المفروض يتناقش من زمان لان هذا شغله مصيريه بنسبه الكليتنه لان مثل متعرفون الكليه بداياته وبسنينه الاولى مصارله 5 سنوات من مفتوحا وهيج مشكله لازم يصيرله حل ومن جذوره
والمفروض من دكتور اسماعيل المحترم ان يهتم بهذا الموضوع شخصيا ويوضع الحل الجذري لهذ المشكله
اكيد المشكله موجوده بلكليه سواء من الطلاب او من الاساتذه ومثل متعرفون الحايط المايل يوكع عل اهله مثل ميكول ابو المثل واكيد احنا المتضررين الوحدين من هلشغله
بنسه للااساتذه بلكليه فبعض الاساتذه مع احترامي الهم حرام يقال عنهم اساتذه لان التدريسي يقدس بكل معنى الكلمات من علمني حرفا كنت له عبدا
للاسف هذا شي مينطبق نهائي عن بعض الاساتذه العدنه والاستاذ هو الي يكدر يفرض شخصيه واحترامه عل الطلاب مهما كان مستواهم متدني اوعالي واصور الكل يعرف بقصه الاستاذ العام الماضي مع طالبات التربه والمياه شطلب من بعض الطالبات والكل اصور سمع بهل قصه للاسف كنا ننتظر من المسوولين العميد اومعاون العميد ان يتخذو الاجراء اتجاه هذا الاستاذ بس مثل متعرفون الاستاذ مصرله اي شي وهو حاليا اايداوم حتى اعتذار مقدم وغيرها وغيرها من المواقف
اما بنسبه للطالب فلي عل خلق ماصور راح يتغير تعامله مع الاستاذ المتشدد او المتساهل يعني هذا تحكمه تربيته
بس رب الاسره اذا كان تعبان رح تشوف الاسره تعبانه والحر تكفيه الاشاره
وطبعا اكو حاله بلكليه وهي اذا البنت وكفته يم احد الاساتذ رح يبدي القال والقيل حول البنت لازم انوضح ان الاستاذ هو بمكان الاب بلكليه واحنا بمكان المفروض نكون عل مستوى عالي من التفكير نتمنى ان هيج حالات تنمحي ونرتقي بلمستوى الافضل للكليه واكيد ماكو استاذ يكره طالب وماكو طااب يكره استاذ بس اكو بعض عدم التفاهم وهي اربعه سنوات ورايحين ومتبقى بس الذكرى الحسنه ونتمنى من اساتذتنه الاعزاء ان يكنون متفهمين اكثر ويه الطلبه ومثل ميعاملون ولدهم او بناتهم يعاملون طلبتهم لان هذي ذمه ورح يتعاقب عليه اذا مو بلدنيا فامام الله اكيد
وشكرا وعذروني اذا طولت عليكم بس الموضوع جدا مهم والكل عنده مئات الاراء ومثل مكال جبس من الي رح يسمعها

عضو محترف الاوسمة :

بس عندي كلمة اخيرة لجبس اذا ينظرك الشهادة فد شي تافه وسهل ليش مدوخ نفسك ليش متروح تشتريها بفلوسك شلك بهاي الدوخة واذا شهادة بالعلاقات والفلوس شجابك للزراعة ليش مرحت للطب واذا الماجستير سهلة بنظرك فحبي لعد سويلك شوية واهس وروح كمل ماجستيؤ اشو هي مجانا ولو الي قدمون على الماجستير وصل الى 33 شخص ولمقاعد بس 2 بس على كولتك الواسطات والكفاءة هم واسطات اذا هذا تفكيرك بعد ما اجاوبك........لان الكتاب باين من عنوانه والاناء ينضح بما فيه بس نصيحتي الك الزراعة متفيدك

مشرف عام

عزيزي اني اصلاً ما كلت الشهادة فد شي تافه ولا جبت لهلموضوع طاري بس انتة حضرتك مفتهمني غلط ... بعدين اني سمعت من عندك انو الدراسات العليا يقدمون عليها عدد كبير من الطلاب بس المطلوب ثلاثة طلاب و نص المقدمين عدهم واسطات و محسوبيات .... و هذا للاسف واقعنا المرير يعني ما اتوقع تكدر تنكر انو اكو ناس اخذت الشهادة بالواسطة ... اما باقي كلامك للاسف مراح اكدر ارد علي لان حضرتك تنرفزت ومن رح ارد راح يتأزم الموقف و هذا شي ما اريدة اني ... اما بالنسبة لموضوع الاناء الحمد لله و الشكر اني اعرف انائي شنو و منو رباني و منو كبرني و اهلي منو و عائلتي شنو يعني عندي ثقة بانائي اللي ما اتوقع نضح بفد شي مو زين بس للاسف راجع اسلوبك و شوف طريقة كلامك ما اتوقع راح تلكاها تتناسب و مقامك ... و بالنسبة لكلية الزراعة تفيدني او ما تفيدني فهذا شي راجع اليه و حدي و اني اللي احدد هالشي و ما محتاج نصيحتك او نصيحة اي احد لان اني اعرف مصلحتي زين ...

عضو فضي الاوسمة :

استاذ منذر كلمة ((الاناء ينضح بما فيه)) كلمة متنكال من استاذلطالب ولو احنة نسمع اكثر من هذة اثناء المحاظرات
وانت تكول الدراسة اصعب بجامعة بغداد اني اكول لاوالله لان الطالب يعامل معاملة طالب جامعي مو معاملة عربنجية زين وكلية الزراعة ببغداد عدهم حتى مزارع بداخل الكلية واحنة عدنة استاذ يحل المسالة بارقام مشكل عربي وانكليزي والمحاظرة العملي نمتحنهة نظري عيفك عن الزراعة كلية تكنولوجيا المعلومات تسلم لكل طالب جهاز لاب توب يستعمل داخل الجامعة فقط واحنة بجامعة بابل فلاش رام ميدخل للجامعة وهاي صارت بابن خالتي ولو هي حالة نادرة بس الحرس حبو يحقرون وية الطالب مثل منكول زين وانت تكول التدريس ببلاش واحنة عدة جم طالب استنسخوا كتاب كيمياء التربة لان المكتبة عجزت عن توفيره للطلاب

عضو برونزي

والله اني رايي مثل رأي اخوية البلانك نيم ورأية كلش ايدة وثمة همة الاساتذة ايضا هم ما متعاونين واحدهم شايف روحة شوفة ............تحياتي

عضو فضي

طبعا احب اعرف عن نفسي..قوطية ببسي...العفو ملازم اول شوقي (دام ضله)... طبعا اكو اساتذه ينحطون عل راس واكو اساتذه ينحطون عل ميز واكو اساتذه همه اصلا ميز ننصب عليهم مزهريات وترتيبات... واكو هواي من تصرفات الاساتذه سخيفه..شنو ارفع صوتي على طالب لو امد ايدي عليه او اغلط عليه..... اذا استاذ سواها وياي وحق علي اراوي هارون الرشيد شلون سم الكاظم(ع) ... الا اخلي العطله كلها ياكل ماصخ... وطبعا عندي مغامرات هواي ويا الاساتذه بسنة 1976...معروضه عل اقراص DVD بمكتب سيكا بشارع اربعين... وراح اقدم قسم منها عل رد الجاي......تحياتي

مشرف عام

نحن الان بأنتظار مدفع الافطار

عضو فضي الاوسمة :

الظاهر صار بيهة زعل بس احنة ما عدنة واحد يزعل لان احنة مو بس منتدى احنة اسرة وحدة بس احنة انطينة راينة بصراحة لان احنة بالكلية حقنة ماكول وما عدنة مكان نشكي بي همنة غير هالمنتدى تقبلوا مروري

عضو ذهبي

اكيد بلانك احنة اسرة وحدة وانشالله ماكو زعل بيناتنة والله يبعدنة عن المدافع وجماعتهة

ليز عيني رمضان بعده ماجه يعني بعد وكت عل مدفع الافطار؟؟؟؟؟؟؟؟؟

مشرف عام

سوسوeng كتب:: ليز عيني رمضان بعده ماجه يعني بعد وكت عل مدفع الافطار؟؟؟؟؟؟؟؟؟

ها اي و الله صدك بعد وكت بس دنجربه حتى نحضرة برمضان و يكون جاهز ,,,

طبعاً الموضوع اخذ غير اتجاه للاسف و صار بيها زعل و احنا ما كنا نتمنى هالشي يصير يا اخوان رجاءاًَ بدون زعل احنا دنسولف و نتناقش لويش هالشد العصبي و ما اتوقع اكو تجاوز او فد شي مسيء لاحد حتى تزعل بعض الاطراف ,,, و اذا اكو تجاوز فالمشرفين خير من الله بهالمنتدى يمكن بس اني مو مشرف ... يعني لو اكو فد تجاوز خلي المشرفين يقررون و
يحذفون اي تجاوز ... تقبلوا مروري
ChIpS LaYs

» ما هو رأيك في هذه المقولة؟؟؟؟؟؟