اتمنى مساعدة الجميع

عضو محترف الاوسمة :

[size=12]السلام عليكم

بعد الطرح الذي تم في احدى مواضيع منتدى الحوار والنقاش وتاييد المدير عليه اتمى الجميع المشاركة والابداع لتطوير المنتدى لذا نحتاج اعضاء يبدعون في المجالات ادناه بحيث يقومون بتنزيل مواضيع خاصة لكل منتدى(جعل الاعضاء يتخصصون ويبدعون في مجالات معينة-كل عضو يكتب في مجال معين ومواضيعه تشمل منتدى معين) لذا ستكون المنتديات ادناه ومنها نقسمها على الاعضاء مع اعطاء حرية اختيار العضو للمجال الذي يجد نفسه به ويبدع فيه :-

1.القسم الديني العضو المسؤول عن مواضيعه (..........)

2.منتدى العلوم الزراعية ويحتاج الى اكثر من عضو والمسؤول (منذر العبادي- و........ و........ و..........)

3.منتدى الاشعار وهمس الخواطر والشعر الشعبي والعضو المسؤول عن مواضيعه (..........)

4.منتدى أدم وحواء والعضو المسؤول عن مواضيعه (.........)

5.منتدى الرياضة والمسؤول عنه (منذر العبادي و.........)

6.منتدى الصحة والرشاقة والتجميل والمسؤول عنه (........)

7.منتدى التسلية والضحك والمسؤول عن مواضيعه (.........)

8.منتدى الصور واخبار الفن والفديو والاغاني والمسؤول عن مواضيعه (.......... و ........)

9.منتدى البيت العراقي والمسؤول عنه (.........)

10.منتدى العجائب والغرائب والمسؤول عنه (........)

11.منتدى الابراج وتفسير الاحلام والمسؤول عن مواضيعه (........)

12.منتدى الكومبيوتر واخبار التكنولوجيا ( علي المعموري )

13.منتدى العلوم ( منذر العبادي و .......)

وهذا لا يمنع العضو من كتابه موضوع في منتدى اخر اذا كان الموضوع مميز لكن يكون اكثر مواضيعه في المنتدى الذي يكون مسؤول عنه ( اي توزيع المهام) مع العلم الغاية من ذلك هو تطوير المنتدى

[/size]

مشرف عام

[quote="منذر العبادي"]

8.منتدى الصور واخبار الفن والفديو والاغاني والمسؤول عن مواضيعه (.......... و ........)

quote]

بس لو اعرف شلون رهمتوها ؟؟ يعني منتدى العلوم اللي ما يحتاج غير بس بحث بالياهو او الكوكل على كلمة و تنقلون الموضوع نقل كوبي بيست تخلولة اعضاء 2 مشرفين ... و منتدى الفن و الاخبار و الاغاني و الفديو اللي يحتاج تحميل و رفع و متابعة الاخبار الجديدة و الاغاني الجديدة و المقاطع المشوقة تخلولة بس عضو واحد مشرف ... ليش منو اللي يحتاج شغل اكثر العلوم لو الفن و الاغاني ... و اصلاً منو الاهم منتدى العلوم لو الفن و الاغاني و منو اللي يكون علي زيارات و ردود و متابعة من قبل الاعضاء العلوم لو الفن و الاغاني ... اكيد راح يكون جوابكم منتدى العلوم بس للاسف هذا جواب مو صريح راح يكون مجاملة لان للاسف هذا واقع الحال ,,

عضو محترف الاوسمة :

حبيبي جبس هذا العدد لكل منتدى غير محدد لان اني كتبت اسمي وفراغ يعني اني موجود بهذا المنتدى واي شخص او اشخاص اخرين العدد غير محدد لكل منتدى حتى لو 10 اشخاص على منتدى ادم وحواء مثلا يعني ما محددين العدد بس الي اتمنيته من ردك ان تشيل المسؤلية ويانه وتتكفل في احدى المنتديات على اقل مو وحدك لان اني مثلا كلفت نفسي في ثلاث منتديات واتمنى من الجميع المشاركة لتطوير المنتدى والارتقاء به نحو الافضل من خلال ترتيب العمل داخل المنتدى وثق هذه التجربة شفتها في منتديات مو عربية لكن اجنبية....تقبلوا مروري

مشرف عام

منذر العبادي كتب:: حبيبي جبس هذا العدد لكل منتدى غير محدد لان اني كتبت اسمي وفراغ يعني اني موجود بهذا المنتدى واي شخص او اشخاص اخرين العدد غير محدد لكل منتدى حتى لو 10 اشخاص على منتدى ادم وحواء مثلا يعني ما محددين العدد بس الي اتمنيته من ردك ان تشيل المسؤلية ويانه وتتكفل في احدى المنتديات على اقل مو وحدك لان اني مثلا كلفت نفسي في ثلاث منتديات واتمنى من الجميع المشاركة لتطوير المنتدى والارتقاء به نحو الافضل من خلال ترتيب العمل داخل المنتدى وثق هذه التجربة شفتها في منتديات مو عربية لكن اجنبية....تقبلوا مروري

و الله يا عزيزي على راسي هذا واجبي تجاه المنتدى و تجاه الاعضاء بس الموضوع بالبداية يحتاجلة دراسة و تفكير لان تدري لازم الانسان يكون كد المسؤلية وهذا الشي لازم يكون الملتزم بهالشغلة عندة وقت فراغ كافي او مثل ميكول وكته بيدة و ثانياً لازم الواحد يختار المجال اللي ممكن يبدع فيه و اني لحد الان ما محدد بيني و بين نفسي المجال اللي ممكن ابدع بي ... و بعدين المنتدى بس مشرفين هواية و مابي زخم اعضاء بس بي زخم مواضيع لذلك المنتدى محتاج ترتيب و اشراف متواصل و صدكني عضو واحد يكدر يشرف عالمنتدى في حال تواجده بشكل متواصل لان المنتدى بعده صغير .. شكراً للتفاعل معي

عضو محترف الاوسمة :

شكرا على ردك وصحيح كلامك مو من السهولة شخص يحدد المجال الي يبدع بيه بس ثق هي فكرة لتطوير المنتدى واعرف صعب عليك التواجد بشكل مستمر بس انكول الجود من الموجود

تقبل مروري المتواضع

عضو محترف

بسم الل الرحمن الرحيم
السلام عليكم
احب ان انطي رايي الشخصي بهذا الموضوع
يا استاذ منذر المور ما تؤخذ بهاي السهولة وقبل لا ابدي بكلامي احب ان اوضح فد شي هوة ان المنتدى يعاني سواء من المشرفين او المدير لان احنا دا نلاحظ بانة كل مشرف يادوب يبين مرة بالعشرة ايام وميحاولون يدخلون جميع المواضيع وبس ما ننكر بان سوسو تطلع بالاسبوع مرة تنشر فد 15 موضوع بنص ساعه وترد علا المواضيع وترجع تختفي واحنا العضاء مدا نلكة التشجيع من المشرفين او المدير
واني احد الناس اللي دا يشتغل للافادة ولاسم الزراعه لان هذا المنتدى يحمل اسم كليتنا فاحنا نريد نوصل بيه للقمه وللشهرة وللابداع سواء الجانب المحلي او الدولي بس مع الاسف انه المشرفين والمدير اشوفهم مقصرين بهذا الاتجاه واحنا مانريد نخسر المنتدى

اما الشي الثاني اللي اريد اذكرة هوة بخصوص موضوعك اللي تريد بيه مساعدة فاحب اذكرلك شي انه اني واحد من الناس اللي يحب يطلع على كل الامور ويقراها ويتعلمها واللي تكدر تكول علية ملم بجميع المواضيع واطلعلها فاني اي شي الكاه مفيد بجميع المواضيع راح اخليه للمنتدى للفائدة فاني ما اكدر التزملي موضوع واصير ملزم بان اوفر اخر اخبارة فاتمنى تعيد النضر بموضوعك لان عندي حل احسن الك واللي هوة

احنا كاعضاء راح انجيب المواضيع الحلوة والمفيدة وتعجبنا وانتم كمشرفين تنضرون للنقص الحاصل بالمواضيع فتنتبهون باي المنتدبات دا يصير نقص بالمواضيع وبذلك انتم مثل منكول ضربتو عصفورين بحجر الاول هوه انه احنا استفادينا من الموضوع والثاني انه انتم سديتو النقص اللي بالمنتدى
واللي اتمناة متابعة المشرفين والمدير للمنتدى لان احنا انريد نوصل بيه لاعلى القمة واللي احب انصحكم بية هوة التشجيع للاعضاء لان لاتنسون العراقي يحب التشجيع واحنا مشفنا هذا الشي ارجو انت تفكرون بالحجي والتمعن علا اتم وجة

واسف علا الاطاله وشكرا تقبلو مروري...........

مدير الاوسمة :

يابة حقك انتة تحجي هيج حجي لان يجوز ماعندك اي فكرة لشغل المدير ...ترة المدير مو من واجبة الرد علة المواضيع واضافة المواضيع بصورة اساسية ...واتمنة فد يوم واكعد اشرحلك شنو شغلي اني بالمنتدى ... وخلي اكلك فد شغلة ترة هذة المنتدى ماجان وصل لهذة المكان لوما اني...... خوش لو لا وبالمناسبة فكرة منتدى بجامعة بابل جانت مستحيلة واني الي قررت وشكلت المنتدى وصلت لهذي المرحلة وتاليه تجي انتة تكلي مقصر ....بدل الشكر ...حرمات سمعتهة لاول مرة ومنعندك للاسف ....اني جنت مشغول بعمل وراهة سافرت وغبت عن المنتدى فترة بسيطة ..واني طول هذيج الفترة (فترة التاسيس) جنت لحظة بلحظة وية المنتدى والاعضاء همة الي شاهدين ...رجعت لكيت مركز الصور الي محمل بي الصور مضروب ورجعت سويت صور جديدة وكملت حجمهم وحملتهم من جديد وركبتهم واني جنت هستوني راجع من السفر تعبان ويومين اشتغل بيهم ..وراهة فتحت قسم جديد وعينت مشرف عليه ...وغيره وغيره واسأل هالة اذا مصدك .....بس والله حرااامات..

عضو محترف

شنو الحرامات خويه ابو حسين واذا احنا منفتهم بالمنتديات هم شكرا الك
ويا ريت قريت ملحوضتي الاخيرة انهو اني ماكد بحجيي لازم تمعنون بحجيي علا اتم وجة
واحلا شي بحجيك كمدير مال خوش لو لا وياريت تسويلنا فد مرة صغيرة لمنتدى كلية الزراعه جامعه بغداد
يابة وهم انشكرك كطلاب جامعه بابل سويت النة مكانه بين المنتديات
بس ياريت اشوية ماتمدح نفسك زايد لان اخاف عليك تنحسد
وشما تحجي راح ارد عليك بشكرا
واني اللي اكلك حرامات تدري ليش لان انته ابدال متناقشني كلامي انته لا اتجاوب هذا جوابك اللي جدا لطيف وممتع
ها وصدك ياريت اتسويلك مرة لمنتدى زراعه بغداد وتشوف الرئيس يوسف شيسوي

عضو محترف الاوسمة :

الاخ العزيز

يجوز فكرتي متعجبك هذا حقك لان كل انسان يحق له الاعتراض عن اي طرح لكن فكرتي جبتها من منتديات امريكية لان اني مشترك في منتدى امريكي وتابعت فكرتهم وحققت نجاح وحتى قبل ايام احتفلوا بنجاح الفكرة...نقطة اخرى احنه لا نظل بانتقاد الافكار او رفضها لكن ننطي راينا بالمشاركة او عدم المشاركة (معجبتك الفكرة يكفي تكتب اسف ما اكدر اشترك وياكم بفكرتكم)نعم

اما مسالة الاشراف والادارة المدير بحث اخر لان شخص ما مسؤول عن الردود .....اما الاشراف بالنسبة اليه قبل اسبوعين اني كل مواضيع بالمنتدى ارد عليهن وحتى صرت على قمة هرم الاعضاء بالردود فقط وردود تشجيعية لكن المرض منعني من التواجد بالمنتدى والكل عرف ان نمت مستشفى

وحبيت انوه الى موضوع الشخص يدخل المنتدى لسببين

الاول ان يستفاد من المنتدى بما فيه من مواضيع تنفعه مثل الاغاني وبرامج الحاسبة والبحوث المنشورة بالاقسام العلمية .....الخ

الثاني ان يظهر ابداعه للمنتدى بالشكل الذي يخدم الاخرين

احيانا انشاهد مواضيع بالمنتدى لا تستحق النشر لكن احنه اذا نقف بوجه هذا العضو راح اصير عنده رده فعل عكسية لذا نترك الموضوع تشجيعا للاعضاء

هنالك ملحوضة اغلب الاعضاء لا يدخلون المنتدى الرغبة بكلمة عفية لكن لديهم ابداع يودون اخراجة لان الي يبدع في موضوع ماذا ينتظر غير ان يقدم شي لا مثيل له

اما ضعف الردود لكثير من المواضيع فيعود لاسباب منها:

تكون هذه المواضيع منقولة من منتديات اخرى ومعروفة لاغلب الاعضاء

تكون ضعيفة او ركيكة ولا تضيف شي

اما تقييم المشرفين والمدير فهذه مو مناصب بالدولة او عليها فلوس اوشيء معين ثقوا المشرف والعضو نفس الشي بوضع المواضيع او الرد يعني ميتميز بشي معين مجرد اضيف للعضو اداء رقابي لا اكثر ولا اقل

اتمنى ان مطلعون عن سياق الطرح وهو تستطيع المشاركة او لا

شكرا للمرور واتمنى عدم تجريح والخروج عن سياق الموضوع

عضو ذهبي

اولا احب اشكر استاذ منذر على مقترحاتة واكيد هية لصالح المنتدى واحنة نأيد اي فكرة تساهم برفع المستوى الثقافي للمنتدى ...ثانيا يااخ لاياصديقي مدير المنتدى مجان قصدة يمدح بنفسة وانما ديبين لحضرتك صلاحيه شغله وانو هو موكاعد وساكت ديشتغل شغل مدير وعضو بنفس الوقت مع انو احنة من واجبنة كأعضاء نقوم بهيجي عمل ثالثا احنة منقارن روحنة بغيرنة لتنسى احنة منتدانا جديد واعضاءة موكلهم يشتغلون ومع ذلك المستو ى اللي وصله مو قليل وماكو احد مقصر من المدير الى المشرفين واللي بي خير يسوي شي اذاهو بنضرة يشوفة رح يطور المنتدى يسوي ولايأخذ اذن من احد لان احنة نشجع كل عضو يساهم بتطوير المنتدى وحضرتك ميصير تكول اكو تقصير من قبل احد لان كل واحد اعرف بشغله وبالمسؤوليه اللي عليه واحنة نعرف كلش زين اكو اشخاص ديتعبون بالمنتدى بغض النظر عن وقت دخولهم وخروجهم المهم النتائج الي ديضيفوهة للمنتدى وحضرتك اذا تشوف المنتدى بي نقص مواضيع نزله بمعرفة حضرتك واحنة رح نكون شاكرين لجهودك .....تحياتي للجميع وشكرا للموضوع واسفة اذا طولت عليكم

عضو فضي

والله أني من جانبي إليه اكدر أسوي مااقصر بيه بس اكو فقره جدا مهمة نريد مساعدة الأعضاء أولا والنقطة الثانية نريد ردود من المشرفين والأعضاء وفي كافة المجلات لان أني منتبه على المشرفين والأعضاء وحتى الأعضاء الجدد يركزون على المواضيع الاجتماعية والترفيهية وخاصة ادم وحواء ولا يركزون على هواية مواضيع أي مهمله يعني معناها لاتكتب وهذا مو بصالح المنتدى وراح أوضح لكم مرات الشخص يكتب موضوع علمي بس هو بيه فوائد أخرى مثل اجتماعية ترفيهية اقتصادية دينيه وراح أكول أن كتبت موضوع في الكيمياء وادري نص الناس يكرهون الكيمياء بس أحب أني اكتب لهم مواضيع جديدة وحلوه غير جافة بس مع الأسف ماكو ردود لذلك لم استطيع أن اكتب في مجالات أخرى لان عند أهم شئ الردود وصارلة فتره الموضوع مكتوب بدون رد ويمكن أكثرمن شهر ولم اعرف السبب

عضو محترف

اول ما احب اككل لاستا منذر انه مو كل تطور لازم اتباوع للدول الغربيه شسوي واذا امريكا دا يسوون هيج فهذا شي خاص بيهم همة مو والله اني لان منتدى امريكي مسوي هالشي لازم اني اسوية حتى يكولون علية ناجح ومتطور واني كان هذا رايي الشخصي واني انطيتك فكرة بديلة هاي اني اللي ابتكرتها يعني تكدر اتسميها عراقيه ويجوز الامريكان يتعلموة منا ويشكرونا يعني ميصير انعلم مثل هيج ناس الا احنا نتعلم منهم وانته تكول اني رديت علا كل المواضيع قبل اسبوعين وتمرضت فليش ما سوا هالشي واحد بغيابك اما دخولي للمنتدى فهو للامرين الي انته كلتهن واذا اكو موضوع مو حلو فتكدر تعتبر هذا رأيك الشخصي وانته لازم تتقبلة لان هوة عجب الناشر واستفاد منه وحب ينقلة لليستفاد منه بس وانته ما ملزم حتى بمشاهدته يعني انته ملزم بيك ان تترك الموضوع مادام هذا الموضوع ما يسيء للاخلاق ولا بيه اي اسأه للاعضاءواني كعضو بهالمنتدى اللي يحمل اسم كليتي سواء علي اللي قام بيه او غيرة واجب عليه ان اخدمه ومو اني اللي اقصدلك احتاج كلمه عفيه بس اللي من غير كليتنا همة اللي يحتاجوها واذا هاي المواضيع منقوله انتهاكو يمك ايقونة تشير بانة منقول ودا انخليها ودا نكولل للامانة الموضوع منقول اني احد المواضيع اللي نقلتها هيه شجرة المنتدى ولحد الان بس فلور خلت اسمها واحنا نريدها تبقى ذكرة فمثل هذا موضوع منقول بس ملزم كل الاعضاء ان يذكرون اسماهم بيها فالموضوع المنقول اني اذا قريته لازم اشكر اللي نقله وما اعتقد بينا عضو واصل مرحلة بحيث ما يكدر يمي بين الموضوع اللي ما يفيد بشي والمواضيع المفيدة حتى انته تكول ركيكة
واذا انته عبالك هم الناس الفلوس والمنا صب فمو كلها
واذا انته اتكول بهذا النقاش واعطاء الاراء بالفكرة انه هو خروج عن سياق الموضوع فما ادري شلون اعتبرتها وفكرت بيها هوة خروج عن الموضوع
اما كلامك اللي اتكوله انته بانه تستطيع المشاركة او لا فهذا جواب يعني تكدر تعتبرة مو حلو
بس احتمال اكو فكرة افضل من هالفكرة فنطرحه عليك مثل الفكرة اللي اطرحتها عليك

اما بخصوص هالة وردها فيا ريت اتكلولي شنو هلردود واحد يكول خوش لو لا وانتي جايتني اتكليلي البية خير يسوي شغل يعني الما فارغ ما بيه خير وثانيا احب اكلج اني قبل يومين يلة بديت ما انشر المواضيع وياريت تتباوعين لمساهماتي وياج اما بخصوص النقص ياريت تنظرين لاول رد الية وشوفي شطرحت بالمواضيع النقص وشلون نعالجها اما بخصوص شكري فاني اعتقد انة اني ممحتاج شكر منج يله ابدي اخدم المنتدى لان هذا واجبي

ويا اخ المساعد ماكو واحد بالدنيا يحب الكيمياء بكدي ويا ريت المواضيع اللي تطرحها حول الكيمياء تكون متطورة وحديثة واكون شاكر الك جدا

عضو محترف الاوسمة :

اخي العزيز

لما كلت لا تخرج عن سياق الموضوع لان الموضوع هو طلب مساعدة اذا تعجب الفكرة وتريد اشارك احنه انكون عاجزين عن الشكر الك واذا معجبتك الفكرة تكدر تعتذر واحنه ممنونين الك واذا تريد تناقش موضوع يمكن تكتب موضوع في منتدى خارج هذا الموضوع فيمكن تكتب موضوع جديد واحنه مستعدين نتناقش وياك

اخوتي الاعضاء اتمنى من يستطيع المشاركة يختار منتدى يكون مسؤول عن مواضيعه .....ويارب نستفاد من غيرنه في تطوير منتدانه لان العلم والابتكار مستمر واحنه انشاء الله انواكب كل جديد

مشرف عام

منذر العبادي كتب:: شكرا على ردك وصحيح كلامك مو من السهولة شخص يحدد المجال الي يبدع بيه بس ثق هي فكرة لتطوير المنتدى واعرف صعب عليك التواجد بشكل مستمر بس انكول الجود من الموجود
تقبل مروري المتواضع

اني الممنون و شكراً على التفاعل معي ...

مشرف عام

لا ياصديقي لا ياحبيبي كتب:

حبي انشالله ماكو اي خسارة واي تقصير موجود من اي طرف انشالله يتعالج و اذا عندك فكرة غير فكرة الزميل منذر العبادي حاول تطرحها حتى نستفاد اكثر اما موضوع المشرفين فأني اايدك صحيح كلامك وانشالله نتجاوز هاي المشاكل

لا ياصديقي لا ياحبيبي كتب:

و الله بصراحة هاي فكرتك هم جميلة و حلوة ... هم نحاول نستفاد منها و من فكرة الاخ منذر و نسوي فكرة مهجنة

مشرف عام

joker كتب:: يابة حقك انتة تحجي هيج حجي لان يجوز ماعندك اي فكرة لشغل المدير ...ترة المدير مو من واجبة الرد علة المواضيع واضافة المواضيع بصورة اساسية ...واتمنة فد يوم واكعد اشرحلك شنو شغلي اني بالمنتدى ... وخلي اكلك فد شغلة ترة هذة المنتدى ماجان وصل لهذة المكان لوما اني...... خوش لو لا وبالمناسبة فكرة منتدى بجامعة بابل جانت مستحيلة واني الي قررت وشكلت المنتدى وصلت لهذي المرحلة وتاليه تجي انتة تكلي مقصر ....بدل الشكر ...حرمات سمعتهة لاول مرة ومنعندك للاسف ....اني جنت مشغول بعمل وراهة سافرت وغبت عن المنتدى فترة بسيطة ..واني طول هذيج الفترة (فترة التاسيس) جنت لحظة بلحظة وية المنتدى والاعضاء همة الي شاهدين ...رجعت لكيت مركز الصور الي محمل بي الصور مضروب ورجعت سويت صور جديدة وكملت حجمهم وحملتهم من جديد وركبتهم واني جنت هستوني راجع من السفر تعبان ويومين اشتغل بيهم ..وراهة فتحت قسم جديد وعينت مشرف عليه ...وغيره وغيره واسأل هالة اذا مصدك .....بس والله حرااامات..

اخوية راح اعترض وياك بالرأي بموضوع الواجب الاساسي للمدير .... لان المدير مو واجبة الاساسي اضافة المواضيع بصورة رئيسية يجوز الرد عالمواضيع يكون مهم احياناً من قبل المدير و الدليل على كلامي هذا المدير المؤسس لمنتدى حشاشة العراق اللي ما اتوقع جنابك متعرفة لان اشهر من نار على علم ... مدير هذا المنتدى اللي اسمه كرار سلير انغلق المنتدى و مجموع ردوده او مساهماته ما تجاوزت 750 مشاركة و لمدة 4 سنوات من الادارة الناجحة لمنتدى يعتبر من اضخم المنتديات العراقية و انجحها ,,, يعني هذا دليل على كلامي ... و اني مجاي اعلمك بشغلك او واجبك هذا الشي انتة تعرفة اكيد و اني هم اعرفة لان ماكو احد ما صار مشرف او حتى اطلع على شغل و منصب المدير ..... و احب اعقب على كلامك مال المنتدى ما جان وصل لوما انتة ... حبي من مدح نفسه ذمها وبالعامية اللي يكول اني و اني نعتبرة بس حجي بمجتمعنا .... يعني انتة صاحب فضل عالمنتدى ندري بهالشي ماكو داعي بكل رد تذكر هالشي لان مو حلوة بحقك ... بعدين المنتدى جان ما وصل لهلمرحلة لوما الاعضاء و جهودهم و تفاعلهم مو لوما انتة .. واذا تريد اثبتلك هالشي جرب تفتح منتدى و ابقى وحدك بي و نزل مواضيع وردود بقي بدون اعضاء وخلينا نشوف يا مرحلة راح يوصل ,,, يعني مخلص الحجي الايد الوحدة متصفك اخوية ...وانتة ماكو داعي تتنرفز او تضوج المفروض تاخذها برحابة صدر هذا الانتقاد و ماكو واحد ما مقصر يعني بهاي ضوجتك استخدمت مفردة مال خوش لو لا وهاي تعتبر تهديد او احتقار او عدم اهتمام للطرف المقابل ... خلي روحك رياضية يا اخوية و تقبل النقد من كل انسان مادام النقد مابي تجاوز ...بعدين المرحلة الوصل بيها المنتدى هي 112 عضو و انتة دتتفاخر بهالمرحلة .. لعد من توصل الاحصائية 1000 عضو شراح تسوي بينا يمكن تكوم تطرد و تخلي بكيفك .... المهم حبي اتمنى ما تزعل من كلامي و تاخذه على بروح رياضية و اتمنى منك المزيد من الابداع و نطمح دائماً للافضل و نريدك تعمل على اكتشاف ماهو جديد بعالم المنتديات حتى تطورلنا المنتدى ,,, تقبل مروري و اسف للاطالة اخوية

مشرف عام

لا ياصديقي لا ياحبيبي كتب:: شنو الحرامات خويه ابو حسين واذا احنا منفتهم بالمنتديات هم شكرا الك
ويا ريت قريت ملحوضتي الاخيرة انهو اني ماكد بحجيي لازم تمعنون بحجيي علا اتم وجة
واحلا شي بحجيك كمدير مال خوش لو لا وياريت تسويلنا فد مرة صغيرة لمنتدى كلية الزراعه جامعه بغداد
يابة وهم انشكرك كطلاب جامعه بابل سويت النة مكانه بين المنتديات
بس ياريت اشوية ماتمدح نفسك زايد لان اخاف عليك تنحسد
وشما تحجي راح ارد عليك بشكرا
واني اللي اكلك حرامات تدري ليش لان انته ابدال متناقشني كلامي انته لا اتجاوب هذا جوابك اللي جدا لطيف وممتع
ها وصدك ياريت اتسويلك مرة لمنتدى زراعه بغداد وتشوف الرئيس يوسف شيسوي

حبيبي الغالي انت .. الاخ علي افتهمك غلط او يجوز تنرفز من طريقة كلامك ... بس انشالله كلنا اخوان و احب اكلك انتة فكرتك جميلة ايضاً ... و اتمنى منك ما تعيد الحجي مال منتدى جامعة بغداد لان حبي كلية زراعة بغداد صارلها عمر و ايضاً منتداهم قديم وعدد طلابهم اكثر بكثير من عددنا بالاضافة الى الفارق في مجتمعنا بالحلة و مجتمع بغداد ,,, يعني حاول لا تباوع لبعيد لان تتعب ... بس مو معناها ما نطمح نكون مثلهم لا لازم نطمح و نعمل و كل واحد يمد رجلة على كد غطاه مثل ميكولون اهلنا ,,, وانت هم اتمنى منك ما تتعصب و تتقبل الامور ببرود اعصاب و علاوي هم اخوك و انتة هم لا تزعل من ردي خاف ازعجتك او ضوجتك و ممنون لتقبلك ردي

مشرف عام

منذر العبادي كتب:: الاخ العزيز
يجوز فكرتي متعجبك هذا حقك لان كل انسان يحق له الاعتراض عن اي طرح لكن فكرتي جبتها من منتديات امريكية لان اني مشترك في منتدى امريكي وتابعت فكرتهم وحققت نجاح وحتى قبل ايام احتفلوا بنجاح الفكرة...نقطة اخرى احنه لا نظل بانتقاد الافكار او رفضها لكن ننطي راينا بالمشاركة او عدم المشاركة (معجبتك الفكرة يكفي تكتب اسف ما اكدر اشترك وياكم بفكرتكم)نعم
اما مسالة الاشراف والادارة المدير بحث اخر لان شخص ما مسؤول عن الردود .....اما الاشراف بالنسبة اليه قبل اسبوعين اني كل مواضيع بالمنتدى ارد عليهن وحتى صرت على قمة هرم الاعضاء بالردود فقط وردود تشجيعية لكن المرض منعني من التواجد بالمنتدى والكل عرف ان نمت مستشفى
وحبيت انوه الى موضوع الشخص يدخل المنتدى لسببين
الاول ان يستفاد من المنتدى بما فيه من مواضيع تنفعه مثل الاغاني وبرامج الحاسبة والبحوث المنشورة بالاقسام العلمية .....الخ
الثاني ان يظهر ابداعه للمنتدى بالشكل الذي يخدم الاخرين
احيانا انشاهد مواضيع بالمنتدى لا تستحق النشر لكن احنه اذا نقف بوجه هذا العضو راح اصير عنده رده فعل عكسية لذا نترك الموضوع تشجيعا للاعضاء
هنالك ملحوضة اغلب الاعضاء لا يدخلون المنتدى الرغبة بكلمة عفية لكن لديهم ابداع يودون اخراجة لان الي يبدع في موضوع ماذا ينتظر غير ان يقدم شي لا مثيل له
اما ضعف الردود لكثير من المواضيع فيعود لاسباب منها:
تكون هذه المواضيع منقولة من منتديات اخرى ومعروفة لاغلب الاعضاء
تكون ضعيفة او ركيكة ولا تضيف شي
اما تقييم المشرفين والمدير فهذه مو مناصب بالدولة او عليها فلوس اوشيء معين ثقوا المشرف والعضو نفس الشي بوضع المواضيع او الرد يعني ميتميز بشي معين مجرد اضيف للعضو اداء رقابي لا اكثر ولا اقل
اتمنى ان مطلعون عن سياق الطرح وهو تستطيع المشاركة او لا
شكرا للمرور واتمنى عدم تجريح والخروج عن سياق الموضوع

استاذي ملحوظتك حلوة و طرحك جميل و نتمنى نعمل بفكرتك و بفكرة الاخ لا يا صديقي حتى نكون مرضين كل الاطراف و مستافدين اكثر ما بالامكان ... و احب اكول لحضرتك مو المهم الواحد يرد على كل المواضيع و يجمع اشتراكات و يكون على هرم الاعضاء بالمشاركات او يشكر و يثني على كل المواضيع وان كانت مو جيدة و تافهة ... المهم الطرح المتميز و الثني والتشجيع على المواضيع المفيدة حتى نحاول نستخرج كل طاقاتنا و طاقات الاعضاء الموجودين و نبدع اكثر و اكثر

مشرف عام

hala كتب:: اولا احب اشكر استاذ منذر على مقترحاتة واكيد هية لصالح المنتدى واحنة نأيد اي فكرة تساهم برفع المستوى الثقافي للمنتدى ...ثانيا يااخ لاياصديقي مدير المنتدى مجان قصدة يمدح بنفسة وانما ديبين لحضرتك صلاحيه شغله وانو هو موكاعد وساكت ديشتغل شغل مدير وعضو بنفس الوقت مع انو احنة من واجبنة كأعضاء نقوم بهيجي عمل ثالثا احنة منقارن روحنة بغيرنة لتنسى احنة منتدانا جديد واعضاءة موكلهم يشتغلون ومع ذلك المستو ى اللي وصله مو قليل وماكو احد مقصر من المدير الى المشرفين واللي بي خير يسوي شي اذاهو بنضرة يشوفة رح يطور المنتدى يسوي ولايأخذ اذن من احد لان احنة نشجع كل عضو يساهم بتطوير المنتدى وحضرتك ميصير تكول اكو تقصير من قبل احد لان كل واحد اعرف بشغله وبالمسؤوليه اللي عليه واحنة نعرف كلش زين اكو اشخاص ديتعبون بالمنتدى بغض النظر عن وقت دخولهم وخروجهم المهم النتائج الي ديضيفوهة للمنتدى وحضرتك اذا تشوف المنتدى بي نقص مواضيع نزله بمعرفة حضرتك واحنة رح نكون شاكرين لجهودك .....تحياتي للجميع وشكرا للموضوع واسفة اذا طولت عليكم

يا اختي لويش محد ديتحمل الثاني لعد وين حرية التعبير و النقد البناء .... شنو تكوليلة ميصير تكول اكو تقصير قابل شنو شكال قابل سب الاله ؟؟ اختي هذا رأي شخصي و ما اتوقع التقصير فد صفة مو حلوة عادي ماكو واحد كامل مكمل و بعدين شكو بيها اذا زميلي او صديقي كلي انتة مقصر و نبهني ... بالعكس هذا راح يخليني احبه و احترمه اكثر لان صديق المجاملات ما نعتبرة صديق حقيقي ... بعدين هذا الحوار كلة في سبيل الارتقاء بمستوى المنتدى ما عدنا ثارات و احزاب شو انقسمنا شنو السالفة .. كنت اتمنى ان يكون ردج مو بهالشكل لان بصراحة ردج مابي انحياد او انحياز للمصلحة العامة و ايضاً بي نوع من التهجم .... اتمنى تتقبلين هذا الراي وما تزعلين او تتنرفزين مني و اعتبريني مثل اخوج الصغير او الجبير انشالله ماكو فرق ... شكراً لرحابة صدرج و اسف اذا كان اكو تجاوز مني ... تقبلي احترامي و تقديري

مشرف عام

المساعد كتب:: والله أني من جانبي إليه اكدر أسوي مااقصر بيه بس اكو فقره جدا مهمة نريد مساعدة الأعضاء أولا والنقطة الثانية نريد ردود من المشرفين والأعضاء وفي كافة المجلات لان أني منتبه على المشرفين والأعضاء وحتى الأعضاء الجدد يركزون على المواضيع الاجتماعية والترفيهية وخاصة ادم وحواء ولا يركزون على هواية مواضيع أي مهمله يعني معناها لاتكتب وهذا مو بصالح المنتدى وراح أوضح لكم مرات الشخص يكتب موضوع علمي بس هو بيه فوائد أخرى مثل اجتماعية ترفيهية اقتصادية دينيه وراح أكول أن كتبت موضوع في الكيمياء وادري نص الناس يكرهون الكيمياء بس أحب أني اكتب لهم مواضيع جديدة وحلوه غير جافة بس مع الأسف ماكو ردود لذلك لم استطيع أن اكتب في مجالات أخرى لان عند أهم شئ الردود وصارلة فتره الموضوع مكتوب بدون رد ويمكن أكثرمن شهر ولم اعرف السبب

استاذنا العزيز لازم كل انسان يعرف واجبه ... و انتة حضرتك تحب الكيمياء نزل مواضيع عليها و حاول تخلي اللي يكرهها يحبها و انشالله توصل لنتيجة مفرحة

مشرف عام

لا ياصديقي لا ياحبيبي كتب:: اول ما احب اككل لاستا منذر انه مو كل تطور لازم اتباوع للدول الغربيه شسوي واذا امريكا دا يسوون هيج فهذا شي خاص بيهم همة مو والله اني لان منتدى امريكي مسوي هالشي لازم اني اسوية حتى يكولون علية ناجح ومتطور واني كان هذا رايي الشخصي واني انطيتك فكرة بديلة هاي اني اللي ابتكرتها يعني تكدر اتسميها عراقيه ويجوز الامريكان يتعلموة منا ويشكرونا يعني ميصير انعلم مثل هيج ناس الا احنا نتعلم منهم وانته تكول اني رديت علا كل المواضيع قبل اسبوعين وتمرضت فليش ما سوا هالشي واحد بغيابك اما دخولي للمنتدى فهو للامرين الي انته كلتهن واذا اكو موضوع مو حلو فتكدر تعتبر هذا رأيك الشخصي وانته لازم تتقبلة لان هوة عجب الناشر واستفاد منه وحب ينقلة لليستفاد منه بس وانته ما ملزم حتى بمشاهدته يعني انته ملزم بيك ان تترك الموضوع مادام هذا الموضوع ما يسيء للاخلاق ولا بيه اي اسأه للاعضاءواني كعضو بهالمنتدى اللي يحمل اسم كليتي سواء علي اللي قام بيه او غيرة واجب عليه ان اخدمه ومو اني اللي اقصدلك احتاج كلمه عفيه بس اللي من غير كليتنا همة اللي يحتاجوها واذا هاي المواضيع منقوله انتهاكو يمك ايقونة تشير بانة منقول ودا انخليها ودا نكولل للامانة الموضوع منقول اني احد المواضيع اللي نقلتها هيه شجرة المنتدى ولحد الان بس فلور خلت اسمها واحنا نريدها تبقى ذكرة فمثل هذا موضوع منقول بس ملزم كل الاعضاء ان يذكرون اسماهم بيها فالموضوع المنقول اني اذا قريته لازم اشكر اللي نقله وما اعتقد بينا عضو واصل مرحلة بحيث ما يكدر يمي بين الموضوع اللي ما يفيد بشي والمواضيع المفيدة حتى انته تكول ركيكة
واذا انته عبالك هم الناس الفلوس والمنا صب فمو كلها
واذا انته اتكول بهذا النقاش واعطاء الاراء بالفكرة انه هو خروج عن سياق الموضوع فما ادري شلون اعتبرتها وفكرت بيها هوة خروج عن الموضوع
اما كلامك اللي اتكوله انته بانه تستطيع المشاركة او لا فهذا جواب يعني تكدر تعتبرة مو حلو
بس احتمال اكو فكرة افضل من هالفكرة فنطرحه عليك مثل الفكرة اللي اطرحتها عليك

اما بخصوص هالة وردها فيا ريت اتكلولي شنو هلردود واحد يكول خوش لو لا وانتي جايتني اتكليلي البية خير يسوي شغل يعني الما فارغ ما بيه خير وثانيا احب اكلج اني قبل يومين يلة بديت ما انشر المواضيع وياريت تتباوعين لمساهماتي وياج اما بخصوص النقص ياريت تنظرين لاول رد الية وشوفي شطرحت بالمواضيع النقص وشلون نعالجها اما بخصوص شكري فاني اعتقد انة اني ممحتاج شكر منج يله ابدي اخدم المنتدى لان هذا واجبي

ويا اخ المساعد ماكو واحد بالدنيا يحب الكيمياء بكدي ويا ريت المواضيع اللي تطرحها حول الكيمياء تكون متطورة وحديثة واكون شاكر الك جدا

حبيبي يا ريت تترك المثاليات و هاي السوالف ,,, لازم ناخذ بفكرة الغرب لان متقدمين علينا بكل شي ماكو داعي للتفاخر ,,, بس احنا راح ناخذ بفكرة المنتدى الامريكي و نهجنها بفكرتك و الافكار البقية وبهيج حالة راح نوصل اعلى منهم بأذن الله ... و مثل ما تفضلت هذا منتدى كليتنا و بكيفنا و غصباً عالمنتدى يتحملنا لان هذا حقنا على الكلية و على المنتدى اني طالب بهالكلية ودا امارس حقي و من اتجاوز لا سامح الله بذاك الوكت اخذ جزائي اني او غيري ... و انشالله ماكو مشاكل و الله يهدي النفوس .... تقبل مروري

عضو ذهبي

بالنسبه للاخ جبس ردك على راسي بس اني موجهتله اهانة لاسامح الله اني علقت على رد حضرته واني من كلتله ميصير تكول لواحد مقصر لان صعبه شخص يشتغل ويتعب ويجي شخص مصارله يومين من مشارك يكوله انت مقصر اكو غير اسلوب نقد اخ جبس يكدر يعبر عن رأيه بهوايه طرق وعلى العكس احنة نتقبل النقد براحبة صدر مدام هذا النقد لصالح المنتدى اما بالنسبه للاخ لاياصديقي فاحب اكولك مثل مدا اتوجة نقد للاخرين لازم تتقبل النقد الموجة لحضرتك واحب اكولك انو الانسان الفارغ شيسوي يدخل للمنتدى اصلا اني حبيت اوصلك فكرة انو بدال ماكل شخص يوجة نقد للاخر ويذب التقصير عليه يشتغل ويسد هذا التقصير اللي ديشوفة من وجهة رأيه لان احنة هنا عائله وحدة والمفروض كل واحد بينة يساعد الثاني . والعضو اللي مموافق على فكرة معينة يكول اني مموافق وخلص ليش يكعد يعلق على الفكرة هذا رأي الشخص المقابل وفكرتة واحنة لازم نقدر رأيه وفكرتة حتى افكارنة اللي نطرحها هو يقدرهة وبذلك متصير مشاحنات بين الاعضاء ....بعدين شبيهم الغرب بالعكس اني اشجع هذة الفكرة واني من رأي الاخ جبس
واستاذ منذر ....تحياتي وتقبلو مروري

عضو محترف

هاله انتو تحبون ان نشارك ونعلق علا المواضع لو نعتزل احنا فريق وانتم فريق هاله ياريت تنتبهين لحجيي زين اني ما وجهت اسأة لاي واحد بيكم ولا حتا لفكرة منذر العبادي بس احنا اي فكرة تنطرح لازم نعرف سلبياتها اضافه الى ايجابياتها وانتي تدرين انه اني كلت ليش مثل هيج فكرة صعبه بس راح انطيكم فكرة احلا مثل ما طرحت عليكم فكرة اني اعتبرها احلا بس اني اللي ضوجني ردج ورد علي لان اني اعتبركم اتجاوزتو عليه واني مع ذلك اني اكول صعب عليه انه الكة اخوه مثلكم فبقيت اناقش بالموضوع وما اسأيت الكم بحرف بس انتم علا العكس
مثل اليوم اني حبيت اوفرالمواضيع الدينيه اللي جنت ابحث عنها ووفرتها الكم وللمنتدى بس ياريت انتم اتشوفون الموضوع من جميع جوانبه
وياريت تتقبلون المناقشات لان احنا بالمنتدى مو اجب بنعم او لا لانة شنو المانع انه اناقش بس مو اعوف اضافة المواضيع وابقه بس اناقش
وتحياتي الج يا اختي الزغيره

» حلل شخصيتك اتمنى من الجميع المشاركة من كل قلبي
» صور عجيبه وغريبه اتمنى انتنال اعجابكم